Хятадын Чэнду хотноо зохион байгуулагдаж буй “Intel Extreme Masters Chengdu 2025” цахим спортын дээд зэрэглэлийн тэмцээний плей-офф шатанд Монголын “The MongolZ” баг тэмцээнээ өндөрлүүллээ.
Манай баг шөвгийн дөрөвт шалгарахын төлөө Бразилын хүчирхэг “FURIA” багийн эсрэг “best of 3” форматаар тоглож, 0:2 харьцаатай ялагдсан байна.
Тоглолтын явц
- “The MongolZ” багийн сонгосон Mirage мап дээр “FURIA” давамгайлж, манай баг тавхан үе авсан.
- Харин Overpass мап дээр довтлох болон хамгаалах аль аль талдаа сайн тоглолт үзүүлсэн ч 10:13 онооны харьцаатайгаар хожигджээ.
Сэлгээний тоглогчтой амжилттай оролцсон “The MongolZ”
Энэ тэмцээнд Монголын төлөөлөл Б.Өнөдэлгэр “controlez” сэлгээний тоглогчоор оролцсон бөгөөд богино хугацаанд багийн тоглолтод амжилттай уусаж, тогтвортой тоглолт үзүүлсэн. Гэсэн ч гол бүрэлдэхүүнгүй оролцсон нь шөвгийн дөрөвт шалгарч чадаагүйд нөлөөлсөн гэж шинжээчид дүгнэж байна.
Ийнхүү “The MongolZ” баг 5–6 дугаар байр эзэлж, 72,500 ам.долларын шагнал хүртэн тэмцээнээ өндөрлүүллээ. Ялалт байгуулсан “FURIA” баг хагас шигшээд шалгарч, Францын “Falcons” багтай тоглохоор болжээ.
Монголын цахим спортын нэрийн хуудас болсон “The MongolZ” багийг 1xBet брэнд албан ёсоор ивээн тэтгэж байгаа бөгөөд тус компани багийн олон улсын амжилтыг тууштай дэмжиж байна.
