Valve 2026 онд гурван шинэ тоглоомын төхөөрөмж танилцуулна

26

Valve компани 2026 онд зах зээлд гаргах Steam Frame, Steam Machine, Steam Controller 2 зэрэг төхөөрөмжүүдийнхээ цоо шинэ үеийг танилцуулж, өөрийн тоглоомын экосистемийг өргөжүүлэх томоохон төлөвлөгөөг зарлалаа.

Steam Frame — бие даан ажилладаг утасгүй VR дуулга

Шинэ төхөөрөмжүүдийн хамгийн сонирхол татах нь Steam Frame нэртэй утасгүй VR дуулга юм. Энэ дуулга нь:

• Компьютер шаардалгүй, өөрөө ажиллана
• Snapdragon 8 Gen 3 чиптэй
• Valve-ын SteamOS системээр ажиллана
• Хүсвэл адаптераар дамжуулан компьютерт холбогдох боломжтой

Техникийн гол үзүүлэлт:

• Дэлгэцийн нягтрал: 2160×2160 (нүд тус бүрт)
• Жин: 435 грамм — Valve Index болон Quest 3-аас хөнгөн
• Дөрвөн камертай хяналтын систем
• Харанхуйд ажиллах боломжтой
• Нүдний хөдөлгөөн хянах технологитой

VR дуулга нь модульчлагдсан загвартай, батерей, чанга яригч, microSD үүр зэргийг салгаж сольж болдог.
Хянагч нь мэдрэгчтэй бүс, хурууны хяналт болон AA батерейгаар ажилладаг тоглоомын гартай төстэй хэлбэртэй.

Steam Machine — Steam Deck-ийн илүү хүчирхэг суурин хувилбар

Valve-ийн хоёр дахь шинэчлэлт бол суурин флагман консол Steam Machine.

Үзүүлэлтүүд:

• 6 цөмт AMD Zen 4 процессор
• RDNA 3 архитектурт суурилсан GPU (28 тооцоолох блок)
• Steam Deck-ээс 6 дахин илүү хүчин чадал
• Авсаархан хар куб дизайн

Төхөөрөмж нь зочны өрөөнд байрлуулахад зориулагдсан бөгөөд дараах портуудтай:

• HDMI 2.0
• DisplayPort
• USB-C
• microSD

Steam Machine, Steam Deck, Steam Frame төхөөрөмжүүдийн хооронд тоглоом дамжуулан тоглох, түргэн сэргээх, 4 хүртэлх хянагч ашиглах боломжтой.

Steam Controller 2 — сайжруулсан хоёр дахь үе

Valve амжилт муутай байсан анхны хянагчийнхаа шинэчилсэн хувилбар болох Steam Controller 2-ийг мөн зарлалаа.

Онцлох сайжруулалтууд:

• TMR технологитой хоёр аналог саваа — дрифтээс хамгаална
• Доор нь Steam Deck-тэй төстэй мэдрэгчтэй трекпадууд
• Гироскоп — хянагчийг хөдөлгөж курсор удирдах боломж
• Bluetooth болон 2.4 GHz адаптераар холбогдоно
• Цэнэглэгч станц болж ашиглагдана
• 35 цаг+ тасралтгүй ажиллана

Худалдаанд гарах хугацаа

Steam Frame, Steam Machine, Steam Controller 2 — бүгд 2026 онд худалдаанд гарахаар төлөвлөсөн бөгөөд үнэ болон нарийвчилсан огноо хараахан зарлагдаагүй байна.