Apple-ийн анхны эвхэгддэг iPhone гэж яригдаж буй iPhone Ultra тод улаан өнгөөр гарч магадгүй гэх зураг цахим орчинд тарсан ч энэ мэдээлэл бодит биш бололтой. PhoneArena-гийн мэдээлснээр, нийтлэгдсэн render зургууд Apple-тэй холбоогүй бөгөөд хуурамч болох нь тогтоогджээ.
Өмнөх leak-үүдэд эвхэгддэг iPhone зөвхөн хар болон цагаан өнгөөр харагдаж байсан. Харин insider Evan Blass-ийн нийтэлсэн шинэ зургууд анх харахад Apple анхны эвхэгддэг iPhone-доо улаан хувилбар нэмэх гэж байгаа мэт сэтгэгдэл төрүүлсэн байна.
Тэрээр уг зургийн талаар:
“Онцгой улаан хувилбарын талаар та юу гэж бодож байна?” гэж нийтэлжээ.
Гэвч зургуудыг анхааралтай ажиглахад хэд хэдэн зөрчил илэрсэн байна. Тухайлбал, дэлгэц дээрх battery indicator нь iOS 27-ийн одоогийн design-тай нийцэхгүй, харин хуучин iOS 26-ийн дүрслэлтэй илүү төстэй байжээ. Мөн улаан iPhone Ultra байгаа гэх мэдээллийг батлах өөр эх сурвалж гарч ирээгүй байна.
Дараа нь Bloomberg-ийн сэтгүүлч Mark Gurman эвхэгддэг iPhone улаан болон ногоон өнгөөр гарах тухай мэдээллийг няцаажээ. Түүний хэлснээр, тарсан зургууд Apple-ийн төхөөрөмжтэй бус, харин удахгүй гарах Xiaomi 18 Fold-той холбоотой байсан байна. Xiaomi 18 Fold-ийн улаан өнгийн хувилбар өмнө нь ийм байдлаар харагдсан аж.
Xiaomi 18 Fold есдүгээр сард нээлтээ хийх төлөвтэй бөгөөд XRING 03 процессороор ажиллах гэж байна. Харин Apple-ийн анхны эвхэгддэг iPhone ямар өнгөтэй гарах, үнэхээр iPhone Ultra нэртэй байх эсэх зэрэг мэдээлэл есдүгээр сарын 9-ний танилцуулгаар тодорхой болох магадлалтай.
Ийнхүү цахим орчинд тарсан тод улаан iPhone Ultra-ийн зураг Apple-ийн бодит бүтээгдэхүүн биш, харин өөр үйлдвэрлэгчийн эвхэгддэг smartphone-той холбоотой render байсан бололтой. Гэсэн ч Apple-ийн анхны эвхэгддэг iPhone-ийн талаарх хүлээлт танилцуулгын өмнө улам нэмэгдсээр байна.
