Аргентины Ерөнхийлөгч Хавьер Милей өөрийн нэр холбогдсон LIBRA нэртэй мем койнтой холбоотой олон нийтийн шуугианыг мөрдөн шалгаж байсан тусгай ажлын хэсэг — Unidad de Tareas de Investigación (UTI)-г зарлиг гарган тараалаа. Уг шийдвэр нь ерөнхийлөгч өөрөө энэхүү койныг олон нийтэд уриалан сурталчилж байсан нөхцөл байдалтай давхацсанаар шүүмжлэл, сэжиг дагуулж байна.
UTI гэж юу вэ?
UTI нь гурван сарын өмнө Ерөнхийлөгч Милей өөрийн X (хуучнаар Twitter) хуудсаар дамжуулан LIBRA койнд хөрөнгө оруулалт хийхийг уриалсны дараа үүссэн ноцтой нөхцөл байдлын улмаас байгуулагдаж байв. LIBRA-г тэр:
- Жижиг бизнесийг дэмжих хэрэгсэл
- Иргэдэд эдийн засгийн гарц хэмээн сурталчилсан
Үүний үр дүнд токены үнэ богино хугацаанд хэт өсч, 4.5 тэрбум ам.долларын зах зээлийн үнэлгээтэй болсон ч тун удалгүй 97% уналттай нүүр тулжээ.
Шинжилгээ: pump-and-dump схем
Хожим хийсэн дотоод шинжилгээнээс үзэхэд:
- LIBRA койны ихэнхийг цөөн хэдэн хэтэвч хянаж байсан
- Эдгээр нь төслийн зохион байгуулагчтай холбоотой этгээдүүдийнх болох нь тогтоогдсон
- 100 сая ам.доллараас дээш дүнтэй хөрөнгө гүйлгээнд оруулсан нь pump-and-dump буюу үнэ хөөрөгдөж, гэнэт унагах луйврын схемийн шинжтэй
Милей: “Би мэдээлэлгүй байсан”
Токены уналтын дараа Ерөнхийлөгч Милей өмнөх бичвэрээ устгаж, төсөлтэй холбоотой нарийн мэдээлэл мэдээгүй байсан хэмээн мэдэгдсэн. Гэвч:
- Оппозици түүнийг төрийн албан тушаалаа ашиглан ард иргэдэд эрсдэлтэй хөрөнгө сурталчилсан гэж буруутгаж байна
- Шүүхэд 100 гаруй иргэн гомдол гаргасан
- Хуулийн хүрээнд Төрийн ёс зүйн хууль зөрчсөн эсэх талаар шалгалт үргэлжилж байна
Зарлиг №332 — Тагнуул биш, түмэнд ил тод уу?
UTI-гийн татан буугдлыг Ерөнхийлөгч Милей болон Хууль зүйн сайд Мариано Кунео Либарона нарын хамтран гаргасан №332 дугаар зарлиг-аар албажуулжээ. Албан ёсоор:
- Ажлын хэсэг ажлаа дуусгасан
- Бүх материалыг прокурорт шилжүүлсэн гэж тэмдэглэсэн
- Гэвч олон нийтэд зориулсан тайлан, мэдээлэл огт гарсангүй
Шинэ парламентын шалгалт, олон улсын мөрдөн байцаалт
Оппозици:
- Парламентын дэргэдэх LIBRA хэргийн тусгай хороог дахин байгуулах санал дэвшүүлсэн
- Энэ хороог өмнө нь эрх баригчид хүчээр зогсоож байжээ
Түүнчлэн Аргентин болон АНУ-ын хууль хяналтын байгууллагууд:
- Ерөнхийлөгч Хавьер Милей
- Түүний эгч Карина Милей
- LIBRA-г бүтээсэн бусад холбогдох этгээдүүдийг мөрдөн шалгаж буйгаа илэрхийлжээ
