Өнөөдөр Evil Empire студи The Rogue Prince of Persia хэмээх адал явдалт, хурдтай тулаант тоглоомынхоо томоохон шинэчлэлтийг олон нийтэд хүргэлээ. Power and Fury нэртэй уг шинэчлэлт нь тоглоомын үндсэн тоглох механик, дүрийн хөгжлийн системийг бүхэлд нь сайжруулж, илүү хурдан, жигд хөдөлгөөнтэй болгох зорилготой байв.
Шинэ нэмэлтүүд:
Тоглоомын гол дүрд шинэ гурван зэвсэг, хэрэгсэл нэмэгдсэн нь тоглоомыг илүү олон талт, стратегитай болгоход чиглэгджээ:
- Сум харвагч гуурс – нэгэн зэрэг гурван сум харвана
- Галын флакон – эргэн тойронд галыг тарааж, олон дайсанд нэгэн зэрэг хохирол учруулна
- Эргэдэг хутгууд – тоглогчийн биеийн эргэн тойронд эргэлдэж дайснуудад тасралтгүй цохилт өгнө
Мөн медальоны системийг шинэчилж, тэдгээрийн нөлөө илүү ойлгомжтой, урьдчилан таамаглахуйц болжээ. Түүнчлэн шагнал, трофей цуглуулах механикт ч өөрчлөлт орсон байна.
Бүх шинэчлэлтийн дэлгэрэнгүйг The Rogue Prince of Persia тоглоомын Steam хуудсанд байрлуулсан бөгөөд тоглоом одоогоор эртний хандалтын шатанд (early access) байгаа юм.
