АНУ-ын Калифорнийн технологийн институтийн инженерүүд нисэх болон газрын гадаргууд чөлөөтэй хөдөлж чаддаг, “Aerally Transforming Morphobot” (ATMO) нэртэй гайхалтай робот бүтээжээ. Энэхүү ухаалаг төхөөрөмж нь агаарт нисэж явах явцдаа өөрийн хэлбэрээ өөрчилж, дараа нь газарт амжилттай буун, дугуйгаар үргэлжлүүлэн хөдлөх чадвартай.
ATMO-ийн хамгийн онцлох шинж нь – агаарт байхдаа өөрийн бүтэц, хэлбэрийг трансформ хийх боломж. Энэхүү технологийг хэрэгжүүлэхийн тулд роботын төв хэсэгт байрлах шарнирыг тусгай мотороор удирдаж, дөрвөн хөдөлгүүрийг дээш өргөж дроны горимд шилжүүлдэг. Харин газрын горимд шилжихдээ хөдөлгүүрүүдийг доош буулгаж, дугуй хэлбэрт оруулдаг байна.
ATMO-ын үндсэн онцлогууд:
- Дөрвөн хөдөлгүүртэй – Квадрокоптер маягаар агаарт нисдэг.
- Дугуй болон хамгаалалт хосолсон систем – Газарт буусны дараа хөдөлгүүрийн хамгаалалтууд дугуй болж хувирна.
- Төв шарнир бүхий уян хатан бүтэц – Агаар ба газрын горимын хооронд саадгүй шилжих боломжтой.
Энэ төрлийн трансформер робот нь ирээдүйн робот техник болон эрлийз хөдөлгүүрт системүүдийн шинэ үеийг төлөөлөхүйц чухал хөгжлийн алхам хэмээн инженерүүд үзэж байна.
