Францын Версалийн ордны удирдлага нь OpenAI болон Ask Mona стартаптай хамтран ажиллах шийдвэр гаргалаа. Энэхүү хамтын ажиллагааны хүрээнд ордын 20 хөшөөг хиймэл оюун ухаанаар дуудагдах боломжийг олгохоор болж, жуулчдад уламжлалт аудио хөтөчөөс илүү интерактив туршлагыг санал болгохоор зорьж байна.
Жуулчид эдгээр хөшөөнүүдийг англи, испани, франц хэл дээр ярилцаж, хөшөөний түүх, зорилго зэргийг мэдэх боломжтой болно. Энэ нь Версалийн ордонд орчин үеийн технологийг ашиглахыг зорьсон томоохон алхам юм.
Кристоф Лерибо, ордны музейн захирал:
“Версалийн ордонд хиймэл оюун ухааныг туршиж үзэж байгаа нь бидний туршлагыг улам баяжуулахад тусална гэж үзэж байна.”
Версаль ордны жилд хүлээн авдаг жуулчдын тоо 8 сая орчим бөгөөд, OpenAI болон Ask Mona компаниуд энэ боломжийг ашиглан өөрсдийн технологиудыг дэлхий даяар харуулах хүсэлтэй байгаа юм.
Жюлі Лаве, OpenAI-ийн Европын хамтын ажиллагааны хэлтсийн захирал:
“Жуулчид энэ газарт ирж, ямар ч түвшний мэдлэгтэй байсан ч өөрсдөө сонирхолтой зүйлсийг олох болно.”
