Плей-оффт Vitality-тай таарч, энэ удаа мултарлаа
“Counter Strike 2” тоглоомын 2025 оны хоёр дахь Дэлхийн аварга шалгаруулах тэмцээн болох StarLadder Budapest Major-2025-ийн плей-оффын шөвгийн наймын тоглолтууд өнгөрсөн шөнө Унгарын Будапешт хотод болсон. Энэ шатанд Монголын “The MongolZ” баг Францын “Team Vitality”-тай Bo3 форматаар тоглож, 0:2 харьцаатайгаар ялагдсанаар тэмцээнээ өндөрлүүлэв.
Mirage, Dust II дээрх үр дүн
Тоглолтын эхний мап Mirage нь “The MongolZ”-ын сонголт байсан бөгөөд 5:13-аар дууссан байна. Дараагийн мап Dust II-г Vitality сонгож, энэ мап дээр манай баг 4:13 гэсэн тоогоор дутуу гарчээ.
Шагнал болон тэмцээний хэмжээ
Ингэснээр “The MongolZ” StarLadder Budapest Major-2025 тэмцээнийг 5–8 дугаар байрт дуусгаж, 45 мянган ам.долларын шагнал хүртэв. Тус Major нь нийт 1.2 сая ам.долларын шагналын сантай бөгөөд 32 баг оролцсон юм.
Азийн багийн тогтвортой амжилт үргэлжилж байна
Үр дүн энэ удаад шөвгийн дөрөв хүргэсэнгүй ч “The MongolZ” CS2-ийн түүхэнд гурван Major дараалан плей-оффын шатанд шалгарсан Азийн анхны баг болсон амжилтаа бататгасан хэвээр байна.
“The MongolZ” багийн ивээн тэтгэгчээр 1xBet Монголоос ажилладаг.
