Монголын CS2-ийн шилдэг тоглогчдын нэг Азбаяр “Senzu” Мөнхболд шинэ багтай боллоо
Монголын цахим спортын CS2 төрлийн шилдэг тоглогчдын нэг Senzu багаа дахин сольжээ. Тэрээр өмнө нь Монголын The MongolZ багаас гарч, Украины Passion UA багт зургаан сарын зээлээр нэгдсэн байсан юм.
Анхны тохиролцооны дагуу Senzu зургаан сарын хугацаанд зээлээр тоглож, үүний дараа Passion UA түүнийг бүр мөсөн худалдан авах боломжтой гэрээтэй байсан билээ.
BC.Game Senzu-г эгнээндээ нэгтгэснээ зарлав
Харин өнөөдөр BC.Game баг Азбаяр “Senzu” Мөнхболдыг авч байгаагаа албан ёсоор зарлалаа.
Гэхдээ Senzu одоогоор Монголын The MongolZ багт харьяалагдсан хэвээр байгаа юм. Түүний оронд Украины Passion UA баг Виктор “sdy” Оружевийг авсан байна.
BC.Game-ийн шинэ бүрэлдэхүүн
BC.Game багийн одоогийн бүрэлдэхүүн:
- Робин “ScrunK” Репке
- Александр “s1mple” Костылев
- Денис “electroNic” Шарипов
- Азбаяр “Senzu” Мөнхболд
- Адонес “krazy” Нобре
Senzu-г угтан авсан мэдэгдэл
BC Game Esports өөрийн албан ёсны хуудсаар дамжуулан:
“Welcome @Senzucs to BC Game Esports”
хэмээн нийтэлж, Монгол тоглогчийг багтаа нэгтгэснээ зарласан байна.
Senzu-ийн шилжилт CS2-ийн ертөнцөд анхаарал татав
Ийнхүү Senzu Украины Passion UA багаас явж, BC.Game-ийн бүрэлдэхүүнд орсноор дэлхийн CS2-ийн тайзан дээр дахин анхаарал татаж эхэллээ. Тэрээр s1mple, electroNic зэрэг алдартай тоглогчидтой нэг багт тоглохоор болж байгаа нь Монголын цахим спорт сонирхогчдын хувьд онцлох мэдээ болж байна.
