EWC 2026 тэмцээний Counter-Strike 2 төрөл шийдвэрлэх хасагдах шатандаа хүрлээ. Хоёр хожигдож хасагддаг хэсгийн шатнаас ялгаатай нь плей-оффын тоглолтуудад алдаа гаргах эрх байхгүй. Энэхүү нийтлэлээр 1xBet esports шинжээчид The MongolZ багийн хасагдах шатны анхны тоглолт болон аваргын цом руу тэмүүлэх замаар таарч болох боломжит өрсөлдөгчдийг шинжлэн хүргэж байна.
Плей-оффын сугалаа
Монголын баг плей-оффын хамгийн чанга хэсэгт оноолт таарсан. Хэрэв тэд Мэйжорын аварга Falcons багийг хожиж чадвал хэсгийн шатанд 1–2-оор хожигдож байсан эртний хүндхэн өрсөлдөгч NAVI-тай дахин таарах өндөр магадлалтай.
Харин хагас шигшээд The MongolZ баг гайхалтай формтой байгаа ZywOo болон donk нараар ахлуулсан Vitality эсвэл Spirit багуудын хожсонтой нь нүүр тулах боломжтой. Харж байгаачлан манай залуусыг амаргүй тоглолтууд хүлээж байна. Хүснэгтийн нөгөө хэсгээс тодорч болох хамгийн хүчтэй өрсөлдөгчид нь MOUZ болон FURIA юм.
The MongolZ болон Falcons багуудын форм
1xBet The MongolZ баг эхний тоглолтдоо magic багийг итгэлтэйгээр (13–7) хожсон ч, плей-оффын эрхийн төлөөх тулаанд NAVI багтай ширүүн өрсөлдөж 1–2-оор хожигдсон юм. Гэсэн хэдий ч дараагийн өдөр нь манай залуус Бразилын paiN Gaming багийг Nuke дээр 13–10, Inferno дээр 13–4-өөр буулган авч даагаа нэхсэн. Анхны тоглолтод мэргэн бууч 910 1.56 рейтинг, 20/12 K/D үзүүлэлтээр гялалзсан бол сүүлийн тоглолтод багийн ахлагч bLitz гол үзүүлэлтүүдээрээ түүнийг яльгүй даван гарлаа. Түүнчлэн багт шинээр нэгдсэн хоёр тоглогч тактикийн системдээ сайн уусаж, тогтвортой тоглолт үзүүлж байгаа нь сайшаалтай.
Group stage-ийн эхний тоглолтод Falcons баг K27-г 13–6-гаар хожсон. Мөн тэд Astralis багийг Ancient дээр 13–7, Dust2 дээр 13–11-ээр хожиж, хэсгээ нэгээр гарч плей-оффын эрхээ төвөггүй авсан юм. m0NESY, NiKo, kyousuke нар гайхалтай формтой байгаа бөгөөд мэргэн бууч m0NESY эхний тоглолтдоо 1.97 рейтинг, 22/8 K/D үзүүлэлт үзүүлсэн бол туршлагатай Босни рифлер NiKo хоёр дахь тоглолтод 1.52 рейтинг, 41/27 K/D үзүүлэлтээр онцгой тоглолт үзүүлжээ.
The MongolZ vs Falcons тоглолтын таамаглал
1xBet-ийн эспорт шинжээчдийн үзэж байгаагаар Мэйжорын аваргуудын хожих магадлалыг 3.5 дахин өндрөөр үнэлжээ:
- The MongolZ (4.225) – Falcons (1.242)
Коэффициентийн ийм их зөрүүтэй байгаа хэдий ч The MongolZ баг бодит байдал дээр өрсөлдөгчөө хожих бүрэн боломжтой. Багууд сүүлийн хоёр жилийн хугацаанд хоёр удаа таарч тоглосон. IEM Cologne 2025 тэмцээнд Монголын баг 2–0 (13–9, 13–9)-ээр хожиж байсан бол PGL Astana 2026 тэмцээнд шийдвэрлэх үед овертаймд (8–13, 13–11, 12–16) харамсалтай хожигдсон. Энэ нь манай баг хоорондын тоглолтын харьцаагаар ялимгүй давуу талтайг харуулж байна.
Тэмцээнд дасгалжуулагч maaRaa оролцоогүй бөгөөд багт туршлага багатай хоёр шинэ тоглогч байгаа нь тоглолтын гүйцэтгэлд сөргөөр нөлөөлж болзошгүй. Гэсэн хэдий ч манай залуус дасгалжуулагчгүйгээр ч ялалт байгуулж чаддагаа олон удаа нотолсон билээ. Мөн шинэ тоглогчид гэнэтийн тактик барьж магадгүй нь Falcons багт тааварлашгүй нөхцөл байдал үүсгэнэ. Учир нь тэдний дасгалжуулагчийн бүрэлдэхүүн Монголын залуу тоглогчдоос юу хүлээхээ мэдэхгүй. Ялангуяа сүүлийн гурван сарын хугацаанд The MongolZ багийн 100% хожлын хувьтай байгаа Dust2 мап дээр энэ нь илүү анзаарагдах болов уу.
Мөн The MongolZ баг өнгөрсөн жилийн Esports World Cup 2025 тэмцээнд түрүүлэх замдаа Team Vitality багийг хожиж байсныг санахад илүүдэхгүй. Энэхүү тэмцээнд аваргын цом өргөж байсан туршлага нь Азийн шилдэг багт сэтгэл зүйн томоохон давуу талыг олгох болно.
EWC 2026 тэмцээний хасагдах шатны эхний тоглолтод манай залууст амжилт хүсэж, The MongolZ vs Falcons тоглолтыг шууд дамжуулалтаар хүлээн авч үзээрэй!
