Сүүлийн хэд хэдэн тэмцээнд урьдчилсан шатаа давж чадахгүй байгаа BC.Game баг дотоод бэлтгэл, цугларалтынхаа үр дүнг нэгтгэн дүгнэжээ. Багийн дасгалжуулагч Viktor “TaZ” Wojtas энэ удаагийн бэлтгэл санаснаас тааруухан болсон гэдгийг хүлээн зөвшөөрсөн байна.
Түүний тайлбарласнаар урьдчилсан шатны дараалсан ялагдлууд багийн уур амьсгал, бэлтгэлийн явцад сөргөөр нөлөөлсөн ч тактикийн тал дээр тодорхой ахиц гаргаж чаджээ.
TaZ: “Энэ ялагдлууд багт хүнд цохилт боллоо”
Viktor “TaZ” Wojtas цугларалтын талаар:
“Урьдчилсан тэмцээнүүдэд оролцсон нь тус болсонгүй, тун их хохирол учрууллаа. Энэ ялагдлууд багт хүнд цохилт боллоо. Ахиц гарсан зүйл гэвэл бид тактик дээрээ нэлээд ажиллаж чадлаа. Ахлагчтайгаа хамт энэ дээр гол анхаарлаа хандуулсан. Бид хамтдаа тоглолтоо дүгнэж, багаараа цуг хоолонд орж байлаа. Энэ удаагийн цугларалтаа бид арай өөр хэлбэрээр хийсэн” гэжээ.
Ингэснээр баг зөвхөн тоглолтын механик бэлтгэлд бус, тактик, дотоод харилцаа болон тоглолтын дараах дүн шинжилгээнд илүү төвлөрсөн байна.
Багийнхан цугларалтаа нэг үгээр дүгнэв
Цугларалтын дараа тоглогчид болон дасгалжуулагчаас өнгөрсөн бэлтгэлийг ганц үгээр тодорхойлохыг хүсэхэд хариултууд нь багийн өнөөгийн нөхцөл байдлыг нэлээд тодорхой харуулжээ.
- Senzu — “тэвчээр”
- electroNic — “тэвчээр”
- Magisk — “дэвшил”
- s1mple — “ядралт”
- TaZ — “бэрхшээл”
- mzinho — “дэвшил”
Senzu болон electroNic хоёр ижилхэн “тэвчээр” гэсэн үг сонгосон бол Magisk, mzinho нар “дэвшил” гэж үнэлсэн байна. Харин s1mple “ядралт”, TaZ “бэрхшээл” гэж тодорхойлсон нь цугларалт хүнд, ачаалалтай өнгөрснийг илтгэжээ.
Ялагдлын дараах шинэчлэл хэрэгтэй байна
BC.Game сүүлийн тэмцээнүүдэд хүссэн үр дүндээ хүрч чадахгүй байгаа ч багийнхан дотоод ажлаа задлан шинжилж, тактикийн тал дээр ахиц гаргахыг зорьж байгаа нь энэ удаагийн цугларалтаас харагдаж байна.
Дараалсан ялагдлын дараа багийн хувьд зөвхөн тоглолтын ур чадвар бус, тогтвортой байдал, сэтгэлзүй болон багийн уялдаа холбоо хамгийн чухал асуудал болжээ.
Иймээс дараагийн тэмцээнүүд BC.Game-ийн энэ удаагийн бэлтгэл бодит үр дүн авчирсан эсэхийг харуулах гол шалгуур болох юм.
