“Apple” компанийг үүсгэн байгуулагч, технологийн салбарын суут зүтгэлтэн Стив Жобс 2011 оны аравдугаар сарын 5-нд 56 насандаа хорт хавдрын улмаас таалал төгссөн билээ. Түүнийг энэ ертөнцийг орхин одсоноос хойш 15 жил өнгөрсөн ч түүний зохион бүтээсэн технологийн шийдлүүд болон амьдралын философи дэлхий ертөнцийг өөрчилсөөр байна.
Амьдралын замнал ба “Apple”-ийг үүсгэн байгуулсан нь
Стив Жобс аав Стивен болон ээж Клара Жобс нарын гэр бүлд өргөгдөн өссөн бөгөөд сургуульд байхаасаа л технологи, шинжлэх ухаанд гүнзгий дурлажээ. Тэрбээр 1976 онд Стив Возняк, Рональд Уэйн нарын хамт гараашид “Apple” компаниа байгуулж, улмаар iMac, iPhone, iPad зэрэг дэлхийн технологийн хэрэглээг орвонгоор нь эргүүлсэн шинэлэг бүтээгдэхүүнүүдийг зах зээлд нэвтрүүлсэн юм.
Стив Жобсын амьдралын дүрэм ба онцлох ишлэлүүд
Түүний амьдралын түүх болон технологи, амжилт, ертөнцийг үзэх үзлийнх нь онцлох зарчмуудыг нэгтгэвэл:
- Эртний эхлэл: 12 настайдаа HP компанийн үүсгэн байгуулагч Билл Хьюлетт рүү залгаж сэлбэг гуйн, тус компанид анх ажилд орж байв.
- Сургууль ба суралцахуй: Их сургуулиа хагас жил сураад орхисон ч “Намайг дэлхийг өөрчлөх хүсэлтэй болоход хатагтай Хилл багш амттан, мөнгөөр миний юм сурах хүслийг худалдан авч тусалсан” хэмээн дурсжээ.
- Дизайны тодорхойлолт: “Зарим хүн дизайныг бүтээгдэхүүний гадна төрх гэж боддог. Сайн бодоод үзвэл дизайн гэдэг нь тухайн бүтээгдэхүүн яаж ажилладгийг илэрхийлдэг” гэж тэрбээр үздэг байв.
- Шаргуу зан ба багийн ажил: “Дэлхийг өөрчилж чадна гэж боддог галзуу хүмүүс л эцэс сүүлд нь өөрчилдөг юм. Супер баатар гэж байхгүй, ач холбогдолтой агуу зүйлийг багаар ажиллаж бүтээдэг” хэмээн онцолдог байв.
- Амьдрал ба үхэл: “Орчлон ертөнцөд мөрөө үлдээх гэж л бид ирсэн. Үхэл бол амьдралын бүтээсэн хамгийн том бүтээл юм” хэмээн өөрийн амьдралын философийг томьёолжээ.
