Even Realities шинэ үеийн AI нүдний шилээ танилцууллаа
Дэлхийн ухаалаг нүдний шилний брэнд Even Realities наймдугаар сард хоёр дахь үеийн AI smart glasses болох “Even G2”-оо Солонгосын зах зээлд албан ёсоор худалдаанд гаргахаар болжээ.
Шинэ “G2” AI нүдний шил нь өмнөх үеийн AI glasses-д тулгардаг жин, загвар, өдөр тутмын хэрэглээний тав тух зэрэг асуудлыг шийдэхээр бүтээгдсэн байна. Үүний үр дүнд уг төхөөрөмжийг ажил, хичээл, кафе, гадаа орчин зэрэг олон нөхцөлд энгийн нүдний шил шиг зүүх боломжтой гэж компанийн зүгээс онцолжээ.
36 грамм жинтэй, титан болон магнийн хийцтэй
Even G2 ердөө 36 грамм жинтэй бөгөөд титан, магнийн материал ашигласнаар хөнгөн атлаа бат бөх, удаан эдэлгээтэй болсон байна.
Мөн камер болон гадаад speaker-ийг хассан нь хэрэглэгчийг зураг авах, бичлэг хийхтэй холбоотой бусдын анхаарал, болгоомжлолоос ангид байлгах зорилготой аж. Иймээс оффис, лекцийн танхим, кофе шоп зэрэг орчинд илүү байгалийн байдлаар ашиглах боломжтой.
Дэлгэц зөвхөн зүүсэн хүнд харагдана
Even G2-ийн AI харилцан үйлдэл нь дуу хоолойгоор бус, линзний дотор суурилуулсан хоёр нүдний micro LED display-ээр дамжин текст хэлбэрээр харагдана.
Дэлгэц нь 1,200 нит хүртэл тод гэрэлтүүлэгтэй тул гадаа орчинд ч мэдээллийг тод унших боломжтой. Үүний зэрэгцээ дэлгэц дээрх мэдээлэл зөвхөн зүүсэн хүнд харагдах тул хувийн мэдээллийн хамгаалалтыг илүү сайжруулжээ.
33 хэлээр бодит цагийн орчуулга хийнэ
Шинэ нүдний шилний гол боломжуудын нэг нь ярилцагчийн хэлсэн үгийг бодит цагт текст subtitle болгон хувиргаж, 33 хэл рүү орчуулах функц юм.
Уулзалт, зөвлөгөө, хэлэлцүүлгийн үеэр ярианы агуулгыг шууд текстээр нэгтгэн харуулж, харилцааны гол санааг алдахгүй байхад тусална. Энэ нь бизнес уулзалт, олон улсын харилцаа, сургалт, аяллын үеэр хэрэгтэй функц болох төлөвтэй байна.
Навигаци, мэдэгдэл, илтгэлийн скрипт дэмжинэ
Even G2 нь зөвхөн орчуулга хийх төхөөрөмж биш. Явган алхах эсвэл дугуй унах үед хэрэглэгч смартфоноо гаргаж харах шаардлагагүйгээр маршрутын зааврыг нүдний өмнөх дэлгэц дээр харуулна.
Мөн смартфоны мэдэгдэл шалгах, илтгэл тавих үед script харуулах зэрэг ажил, өдөр тутмын хэрэглээнд зориулагдсан олон функцтэй. Ингэснээр хэрэглэгч гараа чөлөөтэй байлгаж, мэдээллийг шууд харах боломжтой болно.
Нэг цэнэглэлтээр хоёр өдрөөс дээш ажиллана
Батарейн хувьд Even G2 нэг удаагийн цэнэглэлтээр хоёр өдрөөс дээш хугацаанд ашиглагдах боломжтой гэж танилцуулжээ.
Үүнээс гадна charging case нь төхөөрөмжийг долоо хүртэл удаа нэмэлтээр цэнэглэх боломжтой. Энэ нь өдөр тутам их ашигладаг хэрэглэгчдэд илүү тохиромжтой шийдэл болж байна.
Even Hub дээр 4,500 гаруй app ажиллаж байна
Even Realities мөн “Even Hub” нэртэй нээлттэй app platform-ийг санал болгож байгаа. Уг платформоор дамжуулан хөгжүүлэгчдэд зориулсан хэрэгслүүдийг ашиглаж, хэрэглэгчид өөрт хэрэгтэй custom app-уудыг хөгжүүлэх болон ашиглах боломжтой.
Одоогоор Even Hub дээр 4,500 гаруй app бүртгэгдэн ажиллаж байгаа аж. Харин dedicated smartphone app-ийн солонгос хэлний хувилбар наймдугаар сарын дундуур шинэчлэгдэн гарахаар төлөвлөгджээ.
Even R1 бөгж хэлбэрийн controller хамт гарна
Even G2-тэй хамт тусгай accessory болох “Even R1” худалдаанд гарна. “Even R1. Wearable interaction.” гэсэн уриатай уг төхөөрөмж нь бөгж хэлбэрийн controller бөгөөд хэрэглэгч хурууны gesture ашиглан дэлгэцийг удирдах боломжтой.
Ингэснээр нүдний шилний функцийг илүү нууцлаг, хурдан, гар хүрэлгүй маягаар ашиглах боломж бүрдэх юм.
Үнэ болон худалдаанд гарах суваг
Even G2 нь гадна төрхөөрөө электрон төхөөрөмж гэхээс илүү энгийн нүдний шилтэй төстэй. Пантo хэлбэр болон дөрвөлжин гэсэн хоёр төрлийн frame, мөн гурван өнгөний сонголттойгоор худалдаанд гарна.
Мөн салгаж, угсарч болдог sunglasses clip ашигласнаар гадаа орчинд илүү тохиромжтой хэрэглээтэй болно.
Солонгос дахь худалдааны үнэ нь үндсэн төхөөрөмж болон charging case багтаасан багц 1,099,000 вон байх аж. Харин бөгж хэлбэрийн controller 459,000 вон, sunglasses clip 189,000 воноор тус тус худалдаалагдана.
Бүтээгдэхүүний борлуулалт наймдугаар сараас Naver-ийн албан ёсны brand store “Even Realities Korea”-гоор эхлэхээр байна.
Компанийн төв Берлинд байрладаг
Even Realities нь Герман улсын Берлин хотод төвтэй компани юм. Компанийн мэдээлснээр, хэрэглэгчийн дата нь Европын Холбооны дата боловсруулалтын журам болон General Data Protection Regulation буюу GDPR-ийг чанд мөрдөн боловсруулагддаг байна.
Харин үйлдвэрлэл болон research and development нь дэлхийн hardware үйлдвэрлэлийн гол төвүүдийн нэг болох Хятадын Shenzhen хотод хийгдэж байна.
