FlexStrike гэж юу вэ?
Sony PlayStation 5-ийн экосистемээ улам өргөжүүлж, энэ удаа fighting game сонирхогчдод зориулсан тусгай controller дээр анхаарлаа хандууллаа. EVO Japan 2026 тэмцээний үеэр компани FlexStrike нэртэй шинэ утасгүй fight stick-ээ олон нийтэд анхлан ойроос танилцуулсан байна.
FlexStrike нь тулаант тоглоомд зориулагдсан мэргэжлийн controller бөгөөд нарийн төвөгтэй combo-г илүү хурдан, оновчтой гүйцэтгэх боломж олгох зорилготой. Үндсэндээ энэ нь PlayStation-ийн өөрийн нэрийн дор гаргаж буй анхны утасгүй fight stick төрлийн төхөөрөмж болж байна.
Уг төхөөрөмжийг анх EVO 2025 арга хэмжээний үеэр Лас-Вегаст харуулж байсан ч одоо илүү дэлгэрэнгүй харах боломж бүрджээ. Гэхдээ үнэ болон албан ёсны худалдаанд гарах огноог Sony одоогоор зарлаагүй байна.
Гадна төрхийн хувьд FlexStrike хоёр өнгийн минималист дизайнтай. Харин дотор нь туршлагатай болон өрсөлдөөнт тоглогчдод хэрэгтэй олон функц багтжээ.
Дотор нь юу байгаа вэ?
FlexStrike mechanical button-уудтай бөгөөд эдгээр нь товшилт бүрт тод, хурдан хариу үйлдэл өгнө. Fighting game-д хэдхэн хормын зөрүү тулааны үр дүнг шийдэх боломжтой тул ийм мэдрэмж маш чухал юм.
Мөн controller нь joystick-ийн mode switch-тэй. Энэ нь оролтын төрлийг өөрчилж, өөр өөр тоглоомын хэв маяг болон тоглогчийн хувийн дадалд тохируулах боломж олгоно. Үүн дээр нэмээд санамсаргүй даралтаас сэргийлэх lock button суулгажээ. Ялангуяа ширүүн өрсөлдөөн дунд буруу товч дарж алдаа гаргахаас хамгаалах зориулалттай.
Сонирхолтой өөр нэг боломж нь joystick-ийн хөдөлгөөнийг хязгаарлагч restrictor gate-үүдийг ямар ч багажгүйгээр солих боломж юм. Комплект дотор гурван төрлийн restrictor багтсан байна:
- дөрвөлжин
- дугуй
- найман өнцөгт
Ингэснээр тоглогч тухайн game эсвэл өөрийн playstyle-д тохируулан controller-оо хурдан өөрчилж чадна.
Холболт, нийцтэй байдал ба худалдаанд гарах хугацаа
FlexStrike-ийг PlayStation Link adapter ашиглан утасгүй холбож болохоос гадна USB-C кабелиар утастайгаар ашиглах боломжтой. Нэг adapter-аар хоёр FlexStrike controller зэрэг холбох, эсвэл түүнийг headset зэрэг бусад accessory-тэй хамт ашиглах боломжтой гэж мэдээлжээ.
Controller нь зөвхөн PS5-тэй бус, мөн PC-тэй нийцтэй. Энэ нь төхөөрөмжийг console болон computer дээр fighting game тоглодог хэрэглэгчдэд илүү уян хатан сонголт болгож байна.
Sony жижиг детальд ч анхаарсан байна. FlexStrike-ийн их биеийн доор restrictor gate болон adapter хадгалах тусгай хэсгүүд байрлуулжээ. Мөн багцад зөөврийн case болон USB-C кабель багтсан нь тэмцээн, event-д controller-оо авч явдаг тоглогчдод хэрэгтэй нэмэлт болж байна.
Одоогоор FlexStrike-ийн release date албан ёсоор тодорхой болоогүй. Гэхдээ зарим эх сурвалж уг төхөөрөмжийг наймдугаар сард гарахаар төлөвлөгдсөн Marvel Tōkon fighting game-тэй ойролцоо хугацаанд худалдаанд гарч магадгүй гэж таамаглаж байна. Sony тухайн тоглоомын хэв маягтай нийцүүлсэн special edition хувилбар гаргахыг ч үгүйсгэхгүй.
FlexStrike нь professional fighting controller-ийн зах зээлд Sony-ийн хийж буй нэлээд ноцтой алхам мэт харагдаж байна. Хэрэв үнэ нь боломжийн байвал энэ controller зөвхөн esport тоглогчдоор хязгаарлагдахгүй, тоглоомоо илүү нарийн удирдлагаар мэдрэхийг хүсдэг энгийн gamer-үүдийн дунд ч эрэлттэй болж магадгүй.
Одоо үлдэж буй гол зүйл нь Sony-ийн албан ёсны release announcement юм. Тэр үед FlexStrike fighting game community-ийн хүлээлтийг үнэхээр биелүүлж чадах эсэх нь тодорхой болно.
