0
SpaceX болон Tesla компаниуд нэгдэх төлөвлөгөөгөө ирэх сард танилцуулж болзошгүй талаар Bloomberg эх сурвалжуудыг эшлэн мэдээлжээ. Хэлцэл хэрэгжвэл түүхэн дэх томоохон нэгдлүүдийн нэг болохыг тус агентлаг онцолсон байна.
Ингэснээр Elon Musk-ийн хоёр компанийн цахилгаан автомашин, эрчим хүч хадгалах батарей, пуужин болон хиймэл оюун ухаантай хиймэл дагуулын үйл ажиллагаа нэг бүтцэд багтах боломжтой аж.
Одоогоор ажлын хэсгүүд нэгдэх нөхцөлүүд болон шинээр байгуулах компанийн удирдлагын зохион байгуулалтыг нарийвчлан боловсруулж байгаа гэж мэдээлжээ.
Musk өмнө нь компаниудыг нэгтгэх асуудлаар хэлэлцэж байгаагаа мэдэгдэж, ийм боломжийг дэмжиж буйгаа илэрхийлсэн байна. Гэхдээ нэгдэх тухай эцсийн шийдвэрийг одоогоор зарлаагүй аж.
