PGL Astana 2026-д Монголын багийн зам үргэлжилж байна
Казахстанд болж буй “PGL Astana 2026” CS2 тэмцээнд Монголын The MongolZ баг Swiss шатны дөрөв дэх тоглолтоо Falcons-ийн эсрэг хийж, 1:2 харьцаагаар хожигдлоо.
Энэ тоглолт The MongolZ-ийн хувьд playoff-д шууд шалгарах боломж байсан ч шийдвэрлэх мап дээр давуу байдлаа хадгалж чадалгүй, нэмэлт цагт ялагдсан байна.
Dust2-г алдаж, Inferno дээр тэнцүүлэв
Цувралын эхний мап Dust2 дээр Falcons илүүрхэж, эхний оноогоо авсан. Харин The MongolZ дараагийн Inferno мап дээр тоглолтын хэмнэлээ олж, өрсөлдөгчдөө хариу барин цувралыг тэнцүүлжээ.
Ингэснээр бүх зүйл гурав дахь мап болох Mirage дээр шийдэгдэх болсон юм.
Mirage дээр ялалт ойр байсан ч нэмэлт цагт алдлаа
Шийдвэрлэх Mirage мап дээр The MongolZ тоглолтын тодорхой хэсэгт илүү харагдаж, ялалтад ойртсон. Гэвч эцсийн мөчүүдэд Falcons раундуудаа хамгаалж, оноог тэнцүүлснээр тоглолт нэмэлт цагт шилжив.
Нэмэлт цагт Саудын Арабын баг илүү нягт тоглож, цувралыг өөрийн болгосон байна. Энэ ялалтаар Falcons playoff шатанд шалгарсан бол The MongolZ 2-2 гэсэн үзүүлэлттэй үлдлээ.
Маргаашийн тоглолт бүхнийг шийднэ
The MongolZ одоо Swiss шатанд хоёр хожил, хоёр хожигдолтой болж, playoff-ын эрхийн төлөөх сүүлийн тоглолтоо хийхээр боллоо.
Дараагийн тоглолтод ялбал Монголын баг тэмцээний дараагийн шатанд шалгарна. Харин хожигдвол “PGL Astana 2026”-г өндөрлүүлэх эрсдэлтэй.
Монголын CS2-ын гол төлөөлөл болсон The MongolZ багийн ивээн тэтгэгчээр 1xBet Монгол ажилладаг. Falcons-ийн эсрэг хүнд тоглолтод ялагдсан ч багийн playoff-д шалгарах боломж бүрэн хаагдаагүй байна.
Одоо The MongolZ дараагийн тоглолтдоо алдаагаа засаж, шийдвэрлэх ялалт байгуулах шаардлагатай боллоо.
