2
Сингапурт хүний хөдөлгөөнийг бараг зэрэг давтан гүйцэтгэдэг системтэй роботуудын тулаан анх удаа зохион байгуулагджээ. Энэ талаар News Now Facebook хуудсандаа мэдээлсэн байна.
Мэдээлснээр, ARC Night тэмцээнд Unitree G1 болон EngineAI T800 роботууд оролцсон бөгөөд хүний хийсэн хөдөлгөөн бүрийг бараг нэгэн зэрэг давтаж байжээ.
Үзэгчид ч өөрсдөө motion capture буюу хөдөлгөөн барих тусгай хувцас өмсөж, робот удирдаж үзэх боломжтой байсан байна. Арга хэмжээний бичлэгт хүн дүрст хоёр робот хөдөлгөөн барих хувцастай хүний үйлдлийг дуурайн гүйцэтгэж буй нь харагджээ.
Эх сурвалжийн мэдээлснээр, механик тулаанчид бие бие рүүгээ цохилт хийж, хамгаалалт авч, өрсөлдөгчөө унагаахыг оролдож байсан байна.
