Монголын CS2-ийн нэр хүндтэй баг The MongolZ “PGL Astana 2026” тэмцээний замналаа дуусгалаа. Тэд Aurora багийн эсрэг хийсэн тоглолтод 0-2 харьцаатай ялагдал хүлээж, тэмцээнийг 2 ялалт, 3 хожигдолтойгоор өндөрлүүлэв.
Aurora шийдвэрлэх тоглолтод илүүрхэв
The MongolZ-ийн хувьд энэ тоглолт тэмцээнд үлдэх эсэхийг шийдэх чухал учраа байсан. Гэвч Aurora баг хоёр газрын зураг дээр тоглолтын санаачилгыг илүү сайн хадгалж, цувралыг өөртөө ашигтайгаар дуусгасан байна.
Ингэснээр The MongolZ “PGL Astana 2026”-ийн өрсөлдөөнөөс хасагдаж, дараагийн тэмцээндээ анхаарлаа төвлөрүүлэхээр боллоо.
Тавдугаар сарын 20-нд дараагийн сорилт эхэлнэ
The MongolZ-ийн дараагийн тэмцээн нь тавдугаар сарын 20-нд эхлэх “CS Asia Championships 2026” байх юм. Багийн хөгжөөн дэмжигчид тэднийг Азийн тавцанд дахин хүчтэй тоглолт үзүүлнэ хэмээн хүлээж байна.
The MongolZ багийн ивээн тэтгэгчээр 1xBet Монгол ажиллаж байгаа бөгөөд баг олон улсын тэмцээнүүдэд Монголын цахим спортын нэрийг үргэлжлүүлэн төлөөлж байна.
