10 000 мА·ц багтаамжтай нимгэн загвар
Xiaomi 10 000 мА·ц багтаамжтай шинэ гадаад аккумулятороо танилцууллаа. Төхөөрөмж одоогоор краудфандинг платформ дээр худалдаанд гарсан бөгөөд үнэ нь 349 юань байна.
Шинэ пауэрбанк нь хэт авсаархан хэмжээтэй, соронзон бэхэлгээтэй гэдгээрээ онцлог юм.
Jinshajiang технологи ашиглажээ
Төхөөрөмжид Xiaomi-ийн шинэ Jinshajiang технологийг ашигласан байна. Энэ нь их биеийг илүү нимгэн болгохын зэрэгцээ энергийн нягтралыг нэмэгдүүлэх боломж олгодог аж.
Пауэрбанкны зузаан ердөө 13.2 мм бөгөөд соронзон бэхэлгээ нь Android ухаалаг утас болон iPhone-той нийцнэ.
Онгоцонд авч явах зөвшөөрөлтэй
Шинэ гадаад аккумулятор нь аюулгүй байдлын шинэ стандартад нийцэж, 3C сертификат авсан байна. Мөн онгоцоор зорчих үед авч явах боломжтой гэж Xiaomi онцолжээ.
Төхөөрөмж 45 Вт хүртэлх утастай цэнэглэлтийг дэмждэг тул ухаалаг утас болон бусад зөөврийн төхөөрөмжийг хурдан цэнэглэх боломжтой.
