Mijia Sonic Vibration Electric Toothbrush Pro танилцуулагдав
Xiaomi Хятадын зах зээлд Mijia Sonic Vibration Electric Toothbrush Pro нэртэй шинэчилсэн цахилгаан шүдний сойзоо худалдаанд гаргалаа.
Энэхүү төхөөрөмж нь шүд угаах зөв техникийг автоматаар дуурайж, угаалтын явцыг бодит цагт хянах боломжтойгоороо онцлог байна. Тохиргоог Mijia аппликейшнээр дамжуулан өөрчилж болох бөгөөд хэрэглэгч цэвэрлэгээний хүч, горим, хугацааг өөртөө тохируулах боломжтой.
“Басс арга”-ыг дуурайдаг мотор ашиглажээ
Шинэ сойзонд хоёр чиглэлд хөдөлгөөн хийх чадвартай мотор суурилуулсан байна. Энэ нь шүдний эмч нарын зөвлөдөг “Басс арга”-ыг дуурайж ажилладаг аж.
Сойз хэвтээ болон босоо хөдөлгөөнийг хослуулж, нэг минутанд 30 мянга гаруй микро хөдөлгөөн хийдэг. Ингэснээр шүдний завсар, буйлны ойролцоох хэсгийг илүү үр дүнтэй цэвэрлэхэд чиглэжээ.
Мөн буйл хамгаалах системтэй. Хэрэв хэрэглэгч хэт хүчтэй дарвал төхөөрөмж автоматаар хүчээ бууруулж, буйл гэмтэхээс сэргийлнэ.
Шүд угаалтыг зургаан тэнхлэгт мэдрэгчээр хянадаг
Mijia Sonic Vibration Electric Toothbrush Pro нь угаалтын явцыг шинжлэх зориулалттай зургаан тэнхлэгт мэдрэгчтэй. Энэ мэдрэгч нь сойзны байрлал, налуу өнцөг болон цэвэрлэгдсэн хэсгүүдийг тодорхойлдог.
Бүх мэдээлэл төхөөрөмжийн суурилуулсан өнгөт дэлгэц дээр харагдана. Дэлгэцээр угаасан хугацаа, хамрагдсан хэсгүүд, мөн хэт даралтын анхааруулгыг үзүүлэх боломжтой.
Усны хамгаалалттай, гурван хошуутай
Сойзны их биеийг аноджуулсан хөнгөн цагаанаар хийсэн бөгөөд IPX8 усны хамгаалалттай. Тиймээс угаалгын өрөөнд өдөр тутам ашиглахад тохиромжтой.
Багцад өөр өөр хэрэгцээнд зориулсан гурван төрлийн хошуу дагалдана.
Хятадад уг төхөөрөмжийн үнэ ойролцоогоор 549 юань бөгөөд хэд хэдэн өнгөний сонголттойгоор худалдаалагдаж байна.
